اللغه
اللغه الانجليزيه
ايه الفرق بين الطباعة السبلميشن والطباعة الترانسفير؟
الطباعة السبلميشن
هي طباعة حرارية عبارة عن حبر "سبلميشن" بيطبع على ورق "سبلميشن"
وبالحرارة "المكبس الحراري" بينتقل الحبر من على الورقة على الخامة اللي بنطبعها..يعني ايه الكلام ده؟
يعني لو أنت بتطبع مج هتطبع ورقة سبلميشن وتحطها في المكبس الحراري الخاص بـ #المج ف هينتقل الحبر من على الورقة للمج انتقال بالحرارة دائم مش بيتمسح لأن الحبر انتقل في الخامة نفسها.
ورق السبلميشن
ورق حراري يستخدم مع طابعات السبلمبشن المتعدده ومنها ( ابسن ال 800 وريكو 3110 وغيرها من الطابعات المخصصهه لطباعة السبلميشن)
وميزة هذا الورق اضافة الى سعره المناسب انه يطبع على جميع المواد المعالجه من غلافات جولات و اكواب ودروع وكرستال وسلاسل مفاتيح وميداليات رياضية و على جميع الملابس والأقمشه المصنعه مثل البوليستر والساتان وغيرها الألوان الفاتحه فقط وميزة هذا الورق انك لا تحتاج الى ورق مختلف لكل ماده مثل الورق الحراري هيت ترانزفير
بتطبع ايه طباعة سبلميشن؟
بنطبع الاف الخامات المعالجة "يعني بتقبل الطباعة عليها بالحرارة" زي ايه مثلا؟
*المج
*الزجاج والأخشاب
*الميداليات المعالجة
*كفرات الموبايل
*الصخور
*التيشرتات البوليستر والمخلوط الألوان الفاتحة....ركز هنا
علشان تطبع تيشرت سبلميشن بتطبع تيشرت مخلوط وتيشرت بوليستر ألوانها فاتحه فقـــــــــــــط.
يعني لو تيشرت بوليستر لونه غامق مش هيتطبع سبلميشن
يعني لو تيشرت قطن مش هيتطبع سبلميشن
اومال دول يطبعوا ايه؟
هنا بقى بنطبع الطباعة الترانسفير
ودي عبارة عن ورق خاص بالقماش القطن أو القماش الغامق -أي كانت الخامة نوعها ايه- أي تيشرت غامق بنطبعه ترانسفير
بنحتاج "ورق ترانسفير-حبر انك جيت-مكبس حراري"
وهنا بيختلف نوع الحبر ونوع الورق
والورق الترانسفير عبارة عن ورق بيطبع عادي بحبر الفوتو وبعدها بتقشره لو ورق خاص بتيشرت غامق وتحط فوقيه ورقة زبدة وتكبسه بالحرارة "نفس المكبس"
وهتلزق الورقة في التيشرت
المختصرررررر
السبلميشن بيطبع معاك الاف الخامات مجات كفرات موبايل صخور بروايز خشب وزجاج....الخ وتيشرتات بوليستر او مخلوط او ستان وفواتح فقط
اما الترانسفير فهو خاص بالقماش القطن او القماش الغامق كله.
(نقلا عن الشركة الايطالية)