حافظ على الماكينة بثبات التيار الكهربى

فيه مناطق كتير في مصر التيار الكهربي فيها مش ثابت . يعني مش بيكون 220 فولت وانما اقل او اكثر . 
وكمان لما الكهربا تقطع في بعض الاماكن و ترجع تاني احيانا بيكون برضو التيار الكهربي اقل او اكتر من 220 فولت . 
وارتفاع وانخفاض التيار الكهربي و عدم ثباته واستقراره يتلف الاجهزة الكهربية بصفة عامة و ماكينات تصوير المستندات بصفة خاصة .
وعشان تحافظ علي الماكينة من الاضرار اللي بتحصل من عدم ثبات التيار الكهربي ننصحك بشراء منظم كهرباء( stabilizer ) 


- منظم الكهرباء بيثبت التيار الكهربائي عند درجة 220 فولت مهما زادت شدة التيار او قلت 
وفيه منه انواع كتير علي حسب قدرتها ... 
- في منظمات بتعمل علي ظبط التيار لجهاز واحد او جهازين و دي بتتراوح قدرتها ما بين 1 كيلو وات الي 3 كيلو وات 
- و فيه اعلي بتعمل علي ظبط التيار لكل الاجهزة اللي في المكان و دى بتتراوح ما بين 5 كيلو الي 10 كيلو