بعض الناس بيشتكو من اختلاف أسعار ماكينات تصوير المستندات لنفس الموديل ونفس الماركة ..
طيب ليه الاسعار مش ثابتة ؟
-تعالو ناخد الموضوع من أوله

أولا بلد الاستيراد :-
-كل المستوردين مش بيستوردوا المكن من بلد واحدة . وطبعا كل دولة لها اسعارها طبقا لحالات المكن اللي بيشتريها المستورد .و اشهر الدول اللي المستوردين بيستوردوا المكن منها : المانيا , أمريكا , أسبانيا , بلجيكا , استراليا , سويسرا , السويد , ايطاليا .......الخ وطبعا ده بيخلي فيه فروق في الاسعار.

ثانيا حاله المكن:-
-عند دخول حاويات مكن التصوير لمخازن المستوردين فرز أول وتانى وتالت ورابع الشركه ال بتاخد كميه كبيره من مكن التصوير بتاخد الفرز الاول باقى الحاويه بيتوزع على الموردين ال هو عباره عن فرز تانى وتالت ورابع وطبعا كل نوع فرز بسعر مختلف بيؤدى لاختلاف فى السعر في السوق .

ثالثا الضمان :-
-ودي تكلفة اضافية علي اسعار المكن لانه بتم تجهيز المكن عشان الحالة الفنية تكون مستقرة عند العميل بعد الشراء ولمدد طويلة دون احتياج لقطع غيار .

رابعا مصدر التيار الكهربي:-
-التيار الكهربي في مصر 220 فولت ولازم المكن يكون ماشي مع التيار الكهربي ده .
بعض الدول بيكون التيار الكهربي بتاعها 110 فولت و ده ما ينفعش عندنا . والمكن ال 110 فولت ارخص في السعر من ال 220 فولت.

خامسا خدمة ما بعد البيع :-
-ودي تكلفة مهندسين الصيانة اللي هايصلحوا المكنة لو اتعطلت اثناء الضمان . و حسب خبرة المهندس او الفني بيتحدد الراتب اللي بيتحمل علي تكلفة الماكينات المباعة . وطبعا كل شركة مختلفة عن الاخري في البند ده .

تفتكروا بعد كل العوامل دي ينفع تكون الاسعار زي بعض ؟

-طب انا كعميل هاقدر اعرف او افهم ان المكنة اللي باشتريها متوفر فيها كل العوامل اللي تحفظ استقرارها وتكون حالتها ممتازة ازاي ؟

- اولا : بتشتري من مين ؟
لازم تسأل عن اسم الشركة اللي هاتشتري منها ومدي مصداقيتها و سمعتها ايه في السوق ؟

- ثانيا : المعاينة الخارجية للماكينة .

- ثالثا صوت ماكينه التصوير معبر عن حالتها من خلال صوتها وهى بتشتغل مفيش صوت عالى غير صوت المواتير اللى شغاله.

-عدم حشرالورق فيها .

- صورتهاواضحه .

- كل دا مؤشرات بتقول إن الماكينه إستيراد غير متهالك.

- رابعا لابد أن يتم شراء ماكينه التصوير شامل الضمان